«Қазақстан латын әріпіне көшу»

«Стройтельный» ҚБ кітапханасында Елбасымыз Н.Ә. Назарбаевтың Рухани жаңғыру аясындағы латын әріпіне көшу бағдарламасына сәйкес №5 мектептің 7 д сынып оқушыларымен біргелікте «Қазақстан латын әріпіне көшу» іс – шарасы өткізілді.

Жүргізуші іс – шараны оқушыларға Президент Н. Назарбаев сәуірде жарық көрген «Болашаққа бағдар: рухани жаңғыру» атты мақаласында «Біріншіден, қазақ тілін біртіндеп латын әліпбиіне көшіру жұмыстарын бастауымыз керек. Біз бұл мәселеге неғұрлым дәйектілік қажеттігін терең түсініп, байыппен қарап келеміз және оған кірісуге Тәуелсіздік алғаннан бері мұқият дайындалдық» деген болатын. Міне осы жобаға сәйкес кітапханамызға «Нұр Отан» партиясы «Жас Отан» жастар қанатының төреағасы Төлетаев Ерлан Серікұлын қонаққа шақырдық. Қонағымызға қойған бірінші сұрағымыз, латын әрпіне көшу – заман талабы дегенді қалай түсінеміз? Қашан да әріп ауыстырудың әлеуметтік маңызынан гөрі, саясилығы басым болып келген ғой, осыны қалай түсіндіресіз? Тілмен бірге қоғам да жаңарады дегенді қалай түсінесіз? Жауабы: Латын әліпбиіне көшу жобасынан халық тек қазақ тілінің ғана жаңғыруын емес, бүкіл қазақ қоғамының да жаңғыруын күтетіні анық. Себебі латын әліпбиіне көшу – қазақ тілінің өзінің табиғи болмысына қайта оралуына ғана ықпал етіп қоймай, осы әліпбиді пайдаланып отырған елдермен тығыз байланыс жасауға, әлемдік жаңалықтар мен өзгерістерді жедел игеріп, меңгеруге ықпал етіп, ұлттық жаңғырудың қозғаушы күшіне айналатыны сөзсіз –деп жауап берді.Іс – шара барысында Ерлан Серікұлына оқушылар өздерін толғандырған сұрақтарын қойды.Ол сұрақтарға толық жауап беріп, әліппе кестесін көрсетіп берді.