Ана тілі – жүрек үні

ҚБ «Строительный» кітапхана қызметкерлері ҚМУ студенттерімен біргелікте «Мен қазақша сөйлеймін» республикалық акциясын өткізді. Акцияның мақсаты: барша қазақстандықтарды бейбіт жолмен қазақ тілінде сөйлеуге шақыру. Акцияда кітапханашылар студенттерге бойында патриоттық сезімді оятатын танымал ақын-жазушыларымыздың тіл туралы жазылған таңдаулы өлең-жырларын, сондай-ақ өзге ұлттың тіл туралы шығармаларынан оқып, өз пікірлерін айтты. Сонымен қатар, қазақ тілін құрметтеуге шақыратын ұлт зиялылары мен әлем ойшылдарының тіл туралы толғамдары жазылған буклеттер мен парақшаларды таратты.

Кітапхана қызметкерлері, ҚМУ студентеріне латын әліпбиіне көшуді қалай ойлайсыңдар?- деп сұрақ қойды. Латын әліпбиіне көшу - ана тіліміздің жаһандық ғылым мен білімге кірігуін, әлем қазақтарының рухани тұтастығын қамтамасыз ететін бірегей қадамның бірі– деп жауап берді бір студент. Студенттер барлық қойылған сұрақтарға толық жауап берді.

Акция өте тартымды да , қызықты өтті.