Акция «Бір ел – бір кітап»

К-ф «Строительный» кітапхана қызметкерлері Жеңіс саябағында қала тұрғындарымен біргелікте «Бір ел – бір кітап» республикалық акциясын өткізді. Акцияның мақсаты: барша қазақстандықтарды бір мезгілде, бір кітапты оқып талқылауға шақыру. Акцияда кітапханашылар қала тұрғындарының бойында патриоттық сезімді оятатын танымал ақын-жазушыларымыз Әбділда Тәжібаевтың өлеңдері мен Әбіш Кекілбайұлының акцияға таңдап алынған «Аңыздың ақыры» атты таңдаулы шығармаларынан үзінділер оқып, өз пікірлерін айтты. Сонымен қатар, қазақ ақын – жазушыларын құрметтеуге шақыратын ұлт зиялылары мен әлем ойшылдары туралы толғамдары жазылған буклеттер мен парақшаларды таратты.

Кітапхана қызметкерлері, қала тұрғындарынан латын әліпбиіне көшуді қалай ойлайсыңдар?- деп сұрақ қойды. Латын әліпбиіне көшу - ана тіліміздің жаһандық ғылым мен білімге кірігуін, әлем қазақтарының рухани тұтастығын қамтамасыз ететін бірегей қадамның бірі– деп жауап берді бір зиялы кісі.

Акция өте тартымды да , қызықты өтті.