Волонтерлық ерікті шешім

Кітапхана - филиалы «Строительный» кітапханасында № 28 мектеп гимназиясының 9 «ә» сынып оқушыларымен біргелікте «Волонтерлық ерікті шешім» атты сұхбат, іс – шарасы болып өтті. Бұл іс – шараға «Білім» бағыт координаторы, Қостанай облысының Қазақстан халық Ассамблеясының волонтерлік қозғалысының орталығының волонтері Пимечева Анель қонақ ретінде келіп, оқушылармен сұхбат өткізді. Кітапханашы іс – шараны ерікті (волонтер) деген сөз қай тілден алынған, ол қалай пайда болған деген сұрақтарды презентация арқылы толығынан ашып берді. Сосын Пимечева Анельге сөз берілді, ол еріктілікке (волонтерлікке) қалай келгені жайлы әңгімелеп берді. Оқушылар еріктіге (волонтерге):

Сіз ерікті болуды қалай таңдадыңыз? Ерікті болу сізге не береді?

Еріктілер деген кім, олар немен айналысады, олар не үшін мұндай жақсылықтарға барады?»

Ерікті болу үшін не істеу керек?

деген сұрақтар қойып, оған толық қанағаттырарлықтай жауап ала алды. Кітапханашы еріктінің жұмыстарына сәттілік тілеп, іс – шараны аяқтады.